تسليط الضوء علي المخلوع

أنا مش آسف يا حسنى ولازم تتحاكم وتتعدم الف مرة :-
لإنك عيشتنا في جوع ومرض وحرمان ...30 سنة.
ولأنك كنت عايز المحروس إبنك يكمل علينا 30 سنة تانيين .
ولأنك سبت شبابنا يموتو في قوارب الموت على شواطئ إيطاليا .
ولأنك سبت البطالة تحاصرنا وتخنقنا وتطلع ميتين أهالينا .
ولأنك سبت كلاب أمن الدولة تنهش في لحمنا وترهبنا وتنتهك أعراضنا .
لأن أقسام الشرطة في عهدك بقت أوكار للتعذيب وإهانة المواطنين .
لأنك سبت شعبك يسكن في المقابر مع الأموات وإنت نايم في قصرك.
لأنك ما شفناش ناس بتاكل من صناديق الزبالة إلا في عهدك .
لأننا ما عرفناش ظاهرة إسمها أطفال الشوارع والعشوائيات إلا في عهدك .
لأننا ما شفناش ناس بتموت في طوابير العيش والغاز إلا في عهدك .
لأنك خليت مهية المواطن ما تكفيهوش لحد خامس يوم في الشهر .
لأنك سبت التجار يحتكروا أقواتنا ويلعبوا بينا ويرفعوا الأسعار زي ما هم عايزين .
لأنك سبت مرض الكبد الوبائي ينهش في أكباد الشعب المصري .
لأنك أكلتنا قمح مسرطن ، ولحوم فاسدة ، ومواد غذائية منتهية الصلاحية ،
لأنك شربتنا مياة مجاري وجبتلنا سرطان وفشل الكلوي وفشل كبدى
لأنك خربت الزراعة واكلتنا خضروات مسقية بمية مجاري ومبيدات مسرطنة.
لأنك سبت الحرامية ينهبو ثروات البلد وثروات الشعب ويهربوها برة البلد.
لأن التعليم في عهدك بقا زبالة .لأن الرعاية الصحية في عهدك بقت زبالة .
لأن الزبالة وطفح المجاري في عهدك بقا الصفة المميزة للشارع المصري .
لأن كل حاجة في عهدك بقت ملوثة ..
الهوا ،
والمية ،
والنيل ،
والشوارع ،
والسياسة ،
والفن ،
وحتى ضماير الناس بقت ملوثة .
لأنك حرمتنا من الحرية ،
وزورت الانتخابات ،
وسلمت البلد للبلطجية يتحكموا فيها
لأنك سبت حرامية السلطة يبيعوا ممتلكات مصر وأراضي مصر بأبخس الأثمان للتجار وللمستثمرين .
ولأن في عهدك بقى الشعب يموت بالميات والآلاف في العبارات ،
وفي حوادث القطارات ،
وتحت أنقاض العمارات وصخور الجبال .
ولأنك خليت شوية عيال يحتكروا الحياة كلها في مصر ويقسموها بينهم وكأنها عزبة ورثوها من أهاليهم .
ولأن في عهدك بقت مصر من أكتر دول العالم نسبة أمية وناس عايشة تحت خط الفقر .
ولأن الفساد في عهدك بقى للركب ... (بشهادة سكرتيرك الدكتور زكريا عزمي)
ولأنك بعت الغاز للصهاينة بأبخس الأثمان .
ولأنك سمحت بالسطو على أموال المعاشات والتلاعب بيها .
ولأنك سمحت بالسطو على أموال مكتبة الإسكندرية .
ولأنك عيشتنا 30 سنة تحت حكم قانون الطوارئ وكأننا أعداء ليك مش شعبك اللي المفروض تحميه وتسهر على راحته .
ولأنك سبت كلاب أمن الدولة يزرعوا بذور الفتنة الطائفية بين أفراد الشعب المصري المسالم علشان يقدروا يسيطروا عليه .
ولأنك حرمت مصر من واحد من أهم مصادر الدخل ليها وتشغيل العمالة وهو زراعة القطن اللي كان قبل عهدك أفضل قطن في العالم .
ولأنك خليت شعبك يشرب المية من الجراكن ، ويستنى فناطيس المية يا جت يا مجتش والنيل ماشي قدام عينيه وهو عطشان ، وزرعه عطشان ،
وكلاب السلطة عمالين يسقوا ملاعب الجولف بتاعتهم من مية الشعب المصري الغلبان .
ولأن مصر بلد النيل ، ما عرفتش حاجة إسمها (الفقر المائي) إلا في عهدك .
ولأن، مصر ، بلد النيل ، والسد العالي ، والتربة الخصبة ، بقت تستورد في عهدك القمح وكل المحاصيل الزراعية الأساسية بالمليارات ،
والفلاح المصري الغلبان مش لاقي ياكل .
ولأنك أغرقت الفلاحين المصريين في الديون وفوائد الديون وأدخلتهم السجون .
أنا مش آسف يا ريس ......
علشان سبت حرامية الأراضي يجرفوا الأرض الزراعية اللي حيلتنا ويحولوها لعمارات ومنتجعات .
ولأنك اتغاضيت عن تدمير الثروة السمكية ، وأجبرت الصيادين إنهم يسافروا لحدود الصومال ويعرضوا نفسهم لخطر القراصنة .
ولأن في عهدك ضاع البحث العلمي ، وهاجر العلماء للخارج ، وخرجت الجامعات المصرية من التصنيف الدولي لأفضل الجامعات .
ولأنك ضيعت أموال الشعب المصري في مشاريع فاشلة في توشكى وترعة السلام وغيره وغيره ..
ولأن التحرش الجنسي ، والبلطجة ، وفساد الذمم والأخلاق انتشر فى عهدك .
ولأن محصلش في تاريخ مصر إن القضاة انضربوا واتهانوا إلا في عهدك .
ولأنك سمحت بمحاكمة المواطنين المدنيين في محاكم عسكرية .
ولأن كرامة المصري برة بلده ما تهانتش واتمسح بيها الأرض إلا في عهدك .
ولأنك ساعدت إسرائيل فى عمليات القتل المتعمد للمواطنين والأطفال المصرين عبر حدود سينا .
ولأنك حاصرت أهلنا في غزة ووطيت رأسنا قدام أشقائنا العرب .
ولأن مكانة مصر في عهدك على المستوى العربي والإفريقي والدولي بقت في الحضيض .
ولأنك كان لازم تمشي من زمان ، وتتخلع من زمان ، وتتحاكم من زمان

ولأنك كان لازم تمشي من زمان ، وتتخلع من زمان ، وتتحاكم من زمان

أبى الروحى ..

طبعا ما فى كلام بعد اللى حضرتك قلته

تسلم ايدك يا رب

موضوع رآآئع

واسلوب ارووع

ودى ..

موضوع رائع

موضوع رائع

يكفي الان ما هم فيه

ده انتقام ربنا في الدنيا

ولسه العذاب الاكبر في الاخرة

ثانكس استاذ محمد

امر من صفحاتك وأقف أمامكـ ..

..

صامته من جمال ماأراهـ

حسن أبداعك وصياغتكـ المتقنة ...
وبوح قلمكـ نثر ما قد يجول في الأنفس دون استشعار
دعني انحني بقلمك قليلا
وأقف أحتراما لكِ ولقلمكـ

لكـ مني كل التقدير على جمال روحكـ النقيه..

تسليط الضوء علي المخلوع 382138511

موضوع في قمة الجمال
وأضاء بجماليه أرجاء المكان
فجزاك الله خيرا
لك منـــــــي اجمل تحية
و نفعك و نفع بك جميع المسلمين

✿ Celiηα

تسليط الضوء علي المخلوع Download

» دراسة: الضوء يمكن أن يساعد الحوامل المصابات باكتئاب
» المخلوع يهدد !!!!!!!!!!!
» ابن المخلوع حاول الانتحار
» صحيفة : أبوتريكة يقترب من الاعتزال .. وجوزيه أعطاه الضوء الأخضر حتى لا تسرقه السكينة
» فتحي سرور قانونجي النظام المخلوع